သွားအမြစ်ပိုးသတ်ခြင်း

သွားအမြစ်ပိုးသတ်ခြင်း

 

သွားအမြစ်ပိုးသတ်ခြင်း ( Root Canal Treatment)

Root Canal Treatment ဟုခေါ်သော သွားအမြစ်သတ်ခြင်းသည် ပိုးစားနေသောသွား သို့မဟုတ် ပိုးဝင်နေသောသွား၏ အတွင်းပိုင်းကို ကုသမှုပြုလုပ်ပေးသော သွားဘက်ဆိုင်ရာကုသမှု (Endodontic treatment)တစ်ခုဖြစ်ပါသည်။ 

သွားအမြစ်သတ်ခြင်းအကြောင်းပိုမိုသိရှိစေရန် သွားတစ်ချောင်း၏ ဖွဲ့စည်းတည်ဆောက်ပုံကို သိရှိရန်လိုအပ်ပါသည်။

သွားတစ်ချောင်းတွင် အောက်ဖော်ပြပါပုံအတိုင်း Crown နှင့် Root ဆိုပီး အပိုင်း၂ ပိုင်း ရှိပါသည်။

Crown သည် ပါးစပ်ဟလိုက်သောအခါ မြင်နိုင်သည့် သွားတစ်ချောင်း၏ အပေါ်ဘက်အပိုင်းဖြစ်ပီး၊ Root သည် သွားတစ်ချောင်းခိုင်မြဲစေရန်နှင့် သွား၏အလုပ်များကို လုပ်ဆောင်နိုင်ရန် အောက်မေးရိုးထဲတွင် နစ်မြုပ်နေသောအပိုင်းကို ခေါ်ဆိုခြင်းဖြစ်သည်။

သွားတစ်ချောင်းတွင် အလွှာ ၃လွှာရှိပါသည်။

၎င်းတို့မှာ

(၁) Enamel သွားတစ်ချောင်း၏ အပေါ်ယံ ကြွေသားအလွှာ

(၂) Dentin ကြွေသားအလွှာ၏အောက်ဘက်ရှိ သွားအာရုံကြောကိုဖုံးထားသောအလွှာ

(၃) Pulp သွေးကြောများနှင့် အာရုံကြောများရှိသော သွားတစ်ချောင်း၏ နူးညံ့မှုရှိသော အလယ်ပိုင်းအလွှာတို့ ဖြစ်ပါသည်။

 

သွားအမြစ်သတ်ခြင်း ဘာကြောင့်လိုအပ်သလဲ

သွားအမြစ်သတ်ခြင်းသည် သွားတစ်ချောင်း၏ သွေးကြောများနှင့် အာရုံကြောများရှိသော နူးညံ့သည့် အလယ်ပိုင်းအလွှာ ပျက်ဆီးသွားခြင်းနှင့် ပိုးဝင်ခြင်းတို့ကို ကုသမှုပြုလုပ်ရာတွင် လိုအပ်ပါသည်။ (အောက်ဖော်ပြပါပုံကို ကြည့်ပါ)

သွားပိုးဝင်ခြင်းနှင့် ရောင်ရမ်းခြင်းကိုဖြစ်စေသော အကြောင်းရင်းများစွာရှိသည်။ ၄င်းတို့မှာ

(၁) သွားကိုထိခိုက်ဒဏ်ရာရခြင်း

(၂) သွားပိုးဝင်ခြင်း

(၃) သွားနှင့်ဆိုင်သောကုသမှုများ မကြာခဏပြုလုပ်ရခြင်း

(၄) သွားပဲ့သွားခြင်း

သွားအမြစ်သတ်ခြင်းပြုလုပ်ရာတွင် သွားတစ်ချောင်း၏ အတွင်းဘက်ပိုင်းရှိ အာရုံကြောနှင့် သွေးကြောများအားလုံးကို ဖယ်ရှားပေးပီး သွားအတွင်းပိုင်းကို သန့်ရှင်းရေးပြုလုပ်ပီး အလုံပိတ်ပေးလိုက်ပါမည်။

သွားအမြစ်သတ်ခြင်းကို မပြုလုပ်ပါက သွားအတွင်းပိုင်းရှိ အာရုံကြောနှင့် သွေးကြောများရှိရာအလွှာ ရောင်ရမ်းခြင်းနှင့် ပိုးဝင်ခြင်းများဖြစ်ပီး သွားကိုက်ခြင်း ပြည်တည်ခြင်းများ ဖြစ်လာတတ်ပါသည်။

ပျက်ဆီးသွားသော အာရုံကြောနှင့် သွားအတွင်းပိုင်းအလွှာရှိ တစ်သျူးများကို ဘတ်တီးရီးယားပိုးများမှ စားသုံးလိုက်ပီး သွားပြည်တည်ခြင်း ဖြစ်ပွားနိုင်ပါသည်။ သွားအတွင်းပိုင်းအလွှာ ပြည်တည်ပီးနောက် တဖြည်းဖြည်း သွားအမြစ်ပိုင်းအထိ ရောက်ရှိသွားမည်။ ထို့ကြောင့် သွားအမြစ်သတ်ခြင်းကို အချိန်မှီပြုလုပ်သင့်သည်။

သွားအမြစ်ထဲတွင် ပိုးဝင်ခြင်းကြောင် ဘာတွေဖြစ်တတ်သလဲ

(၁) သွားအမြစ်ထဲတွင် ပိုးဝင်ခြင်းကြောင့် လည်ပင်း၊မျက်နှာ၊ဦးခေါင်းစသောနေရာများသို့ ရောင်ရမ်းမှုပျံ့နှံ့သွားခြင်း

(၂) သွားတစ်ချောင်း၏ အမြစ်အနီးနားဝန်းကျင်ရှိ အရိုးများပျက်ဆီးဆုံးရှုံးသွားခြင်း

သွားအမြစ်သတ်ခြင်းကို အချိန်မှီမပြုလုပ်ပါက သွားအမြစ်မှတစ်ဆင့် အခြားနေရာများသို့  အရည်များစိမ့်ထွက်သွားတတ်ပါသည်။ သွားထဲတွင် အခေါင်းပေါက်ကြီးဖြစ်ပေါ်လာနိုင်ပီး သွားဖုံး သို့မဟုတ် ပါးအရေပြားထဲသို့ အရည်များစိမ့်ထွက်လာခြင်း ဖြစ်တတ်သည်။ 

သွားအမြစ်သတ်ခြင်းကို ဘယ်လိုလုပ်မလဲ

သွားအမြစ်သတ်ခြင်းသည် တစ်ကြိမ်မကပြုလုပ်ရန်လိုအပ်ပီး ကျွမ်းကျင်ပီးအတွေ့အကြုံ ရင့်ကျက်သော သွားဆရာဝန်နှင့် ပြုလုပ်သင့်ပါသည်။

ပထမဦးစွာ ဓာတ်မှန်ရိုက်ပီး ကုသမှုပြုလုပ်ရန်လိုအပ်သည် သွားပိုးဝင်ခြင်းရှိ မရှိနှင့် သွားအမြစ်ပိုင်းဝန်းကျင်ရှိ အရိုးများကို ထိခိုက်ပျက်ဆီးခြင်းရှိ မရှိကို သိရှိနိုင်ပါမည်။

သွားအမြစ်သတ်ခြင်းပြုလုပ်ရာတွင် ထုံဆေးကို အသုံးပြုပါလိမ့်မည်။ သွားအမြစ်သတ်ရာတွင် သွားအတွင်းပိုင်းအာရုံကြောများ ခံစားမှုမရှိတော့သည့်အတွက် ထုံးဆေးမသုံးပဲ ကုသမှုပြုလုပ်နိုင်သော်လည်း ကုသမှုပြုလုပ်နေစဉ် သက်တောင့်သက်သာဖြစ်စေရန် သွားဆရာဝန်မှ ထုံးဆေးကို အသုံးပြုခြင်းဖြစ်သည်။

ကုသမှုပြုလုပ်နေစဉ် သွားအမြစ်သတ်ရန် လိုအပ်သည့်သွားကို တံတွေးများနှင့် ရေများစိုခြင်းမဖြစ်စေရန် အမြစ်သတ်မည့်သွားပတ်လည်တွင် ရာဘာအဖတ်လေးများဖြင့် ပတ်လည်ဝိုင်းပီး ကာရံပေးထားမည်။

ထို့နောက် အမြစ်သတ်မည့်သွားကို အလည်တည့်တည့်မှာ အတွင်းဘက်ပိုင်းထိရောက်အောင် အပေါက်လေးတစ်ခုဖောက်မည်။ သွားအတွင်းပိုင်းရှိ ဘတ်တီးရီးယားပိုးများကြောင့် သေကြေပျက်ဆီးသွားသော အာရုံကြောများ၊ သွေးကြောများနှင့် အခြားအကြွင်းအကျန်အားလုံးကို ဖယ်ရှားပေးမည်။ ကုသမှုပြုလုပ်ရာတွင် သွားအမြစ်သတ်ရာတွင်အသုံးပြုသော endodontic files လေးများကို အသုံးပြုပီး အမြစ်သတ်ရမည့်သွား၏ အာရုံကြောနှင့်သွေးကြောများရှိရာ သွားအတွင်းပိုင်းကို ဖောက်ထားသော အပေါက်ကလေးထဲမှတစ်ဆင့် သေသေချာချာ သန့်ရှင်းရေးပြုလုပ်ပေးပီး မကောင်းသောအရာများအားလုံးကို ဖယ်ရှားပေးမည်ဖြစ်သည်။ သန့်ရှင်းရေးပြုလုပ်ရာတွင် ဆိုဒီယမ်ဟိုက်ပိုကလိုရိုက်ဒ်ကိုအသုံးပြုပီး သွားအတွင်းပိုင်းရှိ မကောင်းသောအကြွင်းအကျန်များကို သန့်ရှင်းရေးပြုလုပ်ပေးပါမည်။

သွားအတွင်းပိုင်းကို သန့်ရှင်းရေးပြုလုပ်ပီးနောက် သွားအလယ်တည့်တည့်တွင် ဖောက်ထားသော အပေါက်လေးကို အလုံပိတ်ပေးရပါမည်။ သွားဆရာဝန်အချို့မှာ အမြစ်သတ်မည့်သွားတွင် ပိုးဝင်နေပါက ချက်ချင်းပြန်ပိတ်မပေးပဲ ပိုးလုံးဝကင်းစင်သွားအောင် ပိုးသတ်ဆေးသိပ်ပေးပီး စောင့်ကြည့်ကြသည်။

သွားအမြစ်သတ်ခြင်းကို တစ်ရက်တည်းပြီးဆုံးအောင် မပြုလုပ်နိုင်ပါက သွားအပေါက်ထဲတွင် အစားအစာများ ပြန်လည်ဝင်ရောက်လာပီး ညစ်ပတ်ခြင်းမဖြစ်စေရန် ဆေးတစ်မျိုးဖြင့် ယာယီဖြည့်ထားပေးပီး ဆရာဝန်ပြန်လည်ချိန်းဆိုသည့်နေ့တွင် ပြန်လာပြရမည်။

နောက်အဆင့်တွင် သွားအတွင်းပိုင်းကို သွားဖာရာတွင်အသုံးပြုမည့် Filling Material များဖြင့် သေသေချာချာဖာပေးပီးနောက် သွားအတွင်းပိုင်းကိုဖောက်ထားသော အပေါက်လေးကို ပိတ်ပေးမည်။

နောက်ဆုံးအဆင့်အနေဖြင့် သွားအမြစ်သတ်ခြင်းလုံးဝပြီးမြောက်သွားပီဖြစ်သောကြောင့် လိုအပ်ပါက သွားတစ်ချောင်း၏ မြင်ရသောအပိုင်းဖြစ်သော အပေါ်ယံကြွေသွားအလွှာ ပိုးစားခြင်း၊ အပေါက်ဖြစ်နေခြင်းများဖြစ်နေပါက သွားအကွတ်လေးစွပ်ပေးခြင်း သို့မဟုတ် သွားဖာခြင်း ကဲ့သို့သော ကုသမှုများကို လိုအပ်သလိုပြုလုပ်ပေးပါမည်။ သို့မှသာ သွားတစ်ချောင်း၏ ပုံမှန်အလုပ်များကို ပြန်လုပ်နိုင်မည်ဖြစ်ပီး သွားပဲ့ထွက်ခြင်းများကိုလည်း ကာကွယ်နိုင်မည် ဖြစ်ပါသည်။ သွာဆရာဝန်မှ အမြစ်သတ်လိုက်သည့်သွား၏ လိုအပ်သောကုသမှုများကို အောက်ဖော်ပြပါပုံအတိုင်း တစ်ခုချင်းစီနှင့်ပက်သတ်ပီး ရှင်းပြပေးပါမည်။

သွားအမြစ်သတ်ပီးနောက် ဘယ်လိုအကျိုးကျေးဇူးတွေရမလဲ

သွားအမြစ်သတ်ပီးနောက် သွားကိုက်ခြင်း ပျောက်ကင်းသွားပါမည်။ သွားအမြစ်သတ်ခြင်းနှင့် သွားအကွတ်တပ်ပေးခြင်း လုံးဝမပြီးမြောက်ခင်အချိန်အတွင်း ကုသမှုပြုလုပ်နေသည့်သွားကို ကုသမှုမပြီးမြောက်ခင် အစားအစာများဝင်ခြင်း၊ မာသောအရာများဝါးမိသဖြင့် သွားပဲ့သွားဖြင်း စသောပြသနာများမဖြစ်စေရန် သွားအမြစ်သတ်မည့်သွားကိုအသုံးပြုပီး အစားအစာဝါးစားခြင်းကို ရှောင်ရမည်။ ကုသမှုပြုလုပ်ပီးနောက် ပုံမှန်အတိုင်း အသုံးပြုနိုင်မည်။

သွားအမြစ်သတ်ခြင်းကြောင့်ဖြစ်တတ်သော နောက်ဆက်တွဲပြသနာများ

သွားဆရာဝန်မှ သွားအမြစ်သတ်ခြင်းကို အကောင်းဆုံးပြုလုပ်ပေးသော်လည်း အခြားရောဂါပိုးဝင်ခြင်းများလည်း ဖြစ်တတ်သည်။

(၁) သွားအမြစ်ထဲတွင် ကွဲထွက်ခြင်း

(၂)

(၃) အချိန်ကြာလာသည်နှင့်အမျှ သွားအမြစ်သတ်ပီးနောက် သွားအတွင်းပိုင်းတွင်အလုံပိတ်ပီး ထည့်ပေးထားသောာများ ပျက်ဆီးသွားပါက ဘတ်တီးရီးယားပိုးများပြန်လည် ဝင်ရောက်လာတတ်သည်။

ပထမဦးစွာ ဆေးရုံသို့ကိုယ်တိုင်ကိုယ်ကျ လာရောက်မပြသခင် မိမိ၏သွားအခြေအနေနှင့် မိမိပြုလုပ်ချင်သည့်ကုသမှုများနှင့်ပက်သက်ပီး သိလိုသောအချက်အလက်များကို ဆေးရုံသို့ တိုက်ရိုက်ဆက်သွယ်ပီး မေးမြန်းနိုင်ပါသည်။ သွားဆရာဝန်မှ မိမိ၏အခြေအနေအပေါ်မူတည်ပီး အကောင်းဆုံးဖြစ်အောင် အကြံပြုချက်များကို မိမိအားပြန်လည်အကြောင်းကြားပေးမည် ဖြစ်သည်။ လူနာတစ်ယောက်နှင့်တစ်ယောက်မတူသကဲ့သို့ ကုသမှုပြုလုပ်ရမည့် အခြေအနေလည်း မတူညီတတ်ပါ။