ការដែលមានស្បែកមុខសភ្លឺរលោងនរណាក៏ចង់បានដែរ មិនថាអ្នកដែលស្រឡាញ់សម្រស់ ឬ ត្រូវចូលរួមក្នុងការងារសង្គមញឹកញាប់ ឬ ការប្រកបរបរចិញ្ចឹមជីវិតដោយប្រើសម្រស់ជាគោលនោះទេ​គឺសុទ្ធតែចង់មានសម្រស់ស្រស់ស្អាត ជាពិសេសក្នុងវ័យជំទង់ និងវ័យធ្វើការគឺរឹតតែចង់បានស្បែកសរលោង មិនខ្មៅស្រអាប់នោះផងដែរក្នុងពេល​ជួប​អ្នកដទៃ​ដើម្បីបង្ហាញពីភាពសរលោងស្រស់ស្អាតនៃស្បែករបស់ខ្លួនប្រកបដោយ​ភាពជឿជាក់។

សម្រាប់បច្ចេកវិទ្យាដែលអាចជួយធ្វើឲ្យស្បែកមុខរបស់អ្នកសភ្លឺរលោងគឺ “អរ៉ូរ៉ា(Aurora)” ដែលជាបច្ចេកវិទ្យាដែលប្រើថាមពលពន្លឺ IPL (Intense pulsed light) រួមផ្សំជាមួយប្រេកង់រលកវិទ្យុ (Radiofrequency ឬ RF) ជួយធ្វើឲ្យ​ស្បែកមុខសភ្លឺរលោងជាងមុន។

មុខងារនៃបច្ចេកវិទ្យាអរ៉ូរ៉ា (Aurora)

អរ៉ូរ៉ាគឺការប្រើថាមពលពន្លឺ IPL ដើម្បីឲ្យមានប្រតិកម្មជាមួយគ្រាប់ពណ៌ផ្សេងៗនៃស្បែក(មេឡានីន) និង សារធាតុអេម៉ូក្លូប៊ីន(Hemoglobin) នៅក្នុងគ្រាប់ឈាមក្រហមក្នុងស្រទាប់ឌែមដែលជាស្រទាប់កោសិការរស់ជាមុនសិន ដែលធ្វើឲ្យគ្រាប់ពណ៌ផ្សេងៗ និង សារធាតុអេម៉ូក្លូប៊ីនមានសីតុណ្ហភាពខ្ពស់ឡើង ព្រមទាំងមានភាពស៊ាំចំពោះប្រកង់រលកវិទ្យុ RF ថយចុះ។ RF ធ្វើឲ្យស្បែកមុខស ស្នាមអុជខ្មៅ ស្នាមជាំព្រាលៗ សសៃឈាមតូចៗប្រសើរឡើង ម្យ៉ាងទៀតវាក៏បានជួយរំញោចឲ្យមានការផលិតខលលេជែនថ្មីផងដែរ។ ដោយសារតែមានសីតុណ្ហភាពនៅក្នុងស្រទាប់ឌែមកើនឡើង ទើបវាធ្វើឲ្យស្បែកម៉ដ្ឋស ភ្លឺរលោង ទន់ ស្បែកតឹង កាត់បន្ថយស្នាមជ្រីវជ្រួញ បន្តឹងរន្ធញើស ដូច្នេះហើយទើបធ្វើឲ្យស្បែកមុខមើលទៅស្រស់ថ្លា និង ក្មេងជាងវ័យ។

ដំណាក់កាលនៃការធ្វើឲ្យមុខសរលោងដោយអរ៉ូរ៉ា (Aurora)

*សំគាល់ៈ ទាំងនេះគ្រាន់តែជាព័ត៌មានបឋម ប៉ុន្តែអាចនឹងមានការផ្លាស់ប្តូរតាមសភាពស្បែករបស់បុគ្គលនីមួយៗ ឬ តាមសេចក្តីណែនាំរបស់វេជ្ជបណ្ឌិត។

ក្រោយការធ្វើមុខសភ្លឺរលោងដោយអរ៉ូរ៉ា​ (Aurora)

ការព្យាបាលដោយអរ៉ូរ៉ានឹងមិនបណ្តាលឱ្យមានស្នាមរបួសនៅលើផ្ទៃមុខនោះទេ​​ ដូច្នេះមិនមានអ្វីគួរឲ្យបារម្ភ អ្នកអាចបំពេញការងារប្រចាំថ្ងៃបានតាមធម្មតា។ ក្រោយពីធ្វើរួច អ្នកខ្លះអាចមានស្បែកក្រហមតែកុំបារម្ភ​ វានិងបាត់ទៅវិញដោយឯកឯងក្នុងរយៈពេល ១ ម៉ោង ចំពោះការថែទាំទូទៅ គួរចៀសវាងការត្រូវកម្តៅថ្ងៃ ហើយគួរប្រើឡេការពារកម្តៅថ្ងៃដែល មាន ​SPF30 ឬច្រើនជាងនេះជាប្រចាំ។