ការវះកាត់ខាត់គ្រាប់ពោនត្រូវបានគេស្គាល់ថាជា​ tracheal shave ឬ chondrolaryngoplasty គឺជាដំណើរការវះកាត់កែសម្ផស្សដែលអ្នកប្តូរយេនឌ័រពីបុរសទៅស្រី្តនិយមធ្វើការវះកាត់ដោយមានវត្ថុបំណងកាត់បន្ថយភាពលយចេញរបស់គ្រាប់ពោនឬភាពលេចធ្លោរនៃប្រអប់សម្លេងការវះកាត់នេះត្រូវធ្វើឡើងដោយការប្រើថ្នាំស្ពឹករួមជាមួយនឹងថ្នាំរំងាប់ប្រព័ន្ធប្រសាទដើម្បីឲ្យអ្នកជំងឺមានអារម្មណ៍ល្អក្នុងអំឡុងពេលវះកាត់។

ក្នុងអំឡុងពេលវះកាត់សល្យពេទ្យនឹងធ្វើបង្កើតស្នាមវះកាត់តូចឆ្មាររាងដេកតាមស្នាមផ្នត់កដើម្បីវះឲ្យដល់ឆ្អឹងខ្ចីនៃទងសួតដែលជារចនាសម័្ពន្ធដែលបង្កើតជាគ្រាប់ពោនបន្ទាប់មកសល្យពេទ្យនឹងចាប់ផ្តើមខាត់ឆ្អឹងខ្ចីបន្តិចម្តងៗនូវផ្នែកដែលពយចេញមកខាងក្រៅឬឆ្អឹងខ្ចីដែលលយចេញមកដោយភាពប្រុងប្រយ័ត្នបំផុតដើម្បីឲ្យបាននូវកំរិតគ្រាប់ពោនដែលត្រូវការ។

ក្រោយពីដំណើរការនៃការវះកាត់បានបញ្ចប់ដែលជាទូទៅប្រើពេលវេលាប្រហែល១ម៉ោងអ្នកជំងឺអាចត្រូវត្រលប់ទៅផ្ទះវិញនៅក្នុងថ្ងៃជាមួយគ្នាបាន។អ្នកជំងឺត្រូវបានណែនាំឲ្យសំរាកនិងកាត់បន្ថយសកម្មភាពធ្ងន់ៗរយៈពេល២-៣ថ្ងៃ។​អ្នកជំងឹត្រូវណែនាំឲ្យត្រលប់មកជួយសល្យពេទ្យវិញដើម្បីតាមដានអាការៈរយៈពេល៧ថ្ងៃក្រោយវះកាត់ដើម្បីពិនិត្យមើលការជាសះស្បើយនៃមុខរបួសព្រមទាំងដើម្បីពិនិត្យឲ្យប្រាកដថាវានឹងមិនមានភាពស្មុគស្មាញអ្វីផ្សេងឡើយ។

ការវះកាត់ខាត់គ្រាប់ពោនអាចជាជំរើសដែលមានសុវត្ថិភាពនិងប្រសិទ្ធិភាពសំរាប់អ្នកប្តូរយ៉ែនឌ័រពីបុរសទៅស្រ្តីដែលកំពុងតែស្វែងរកការបន្ថយជាអចិន្ត្រៃយ៍នៃគ្រាប់ពោនរបស់ពួកគេនិងធ្វើឲ្យកាន់តែមើលទៅដូចមនុស្សស្រីកាន់តែខ្លាំង។​វាមានសារៈសំខាន់ណាស់សំរាប់អ្នកជំងឺក្នុងការពិចារណាយ៉ាងយកចិត្តទុកដាក់ពីជំរើសនិងពិគ្រោះយោបល់ជាមួយនឹងសល្យពេទ្យដែលមានគុណសម្បត្តិមុនពេលទទួលការព្យាបាល។