ការសាក់ចិញ្ចើមបែបជាប់រយៈពេលវែង (Semi-permanent) គឺជាការចម្លងសរសៃររោមចិញ្ចើមដោយប្រើប្រាស់បច្ចេកដែលហៅថា  micro-blading ឬអាចហៅម្យ៉ាងទៀតជាការសាក់បែបសរសៃៗ ឬបែប 3D ដែលជាការសាក់មើលទៅដូចធម្មជាតិខ្លាំងបំផុត។

មិនថារោមចិញ្ចើមរបស់ត្រូវដកចេញច្រើន ស្តើងទៅតាមអាយុ ឬដោយសារជំងឺ ឬ អ្នកចង់បានតាមការស្រម៉ៃរបស់អ្នក ក្រុមវេជ្ជបណ្ឌិតនឹងធ្វើការពិភាក្សាជាមួយអ្នកយ៉ាងល្អិតល្អន់ទៅលើអ្វីដែលអាចធ្វើទៅបានយ៉ាងសាកសម។

ចិញ្ចើមដែលស្រស់ស្អាតផ្តល់អោយមុខមាត់របស់អ្នកមើលទៅក្មេង ដែលសាកសមសំរាប់អ្នកដែលមានអារម្មណ៍ចង់លើកកំរិតភាពស្រស់ស្អាតបែបក្មេងធម្មជាតិ ដោយព្រោះការសាក់ចិញ្ចើមនេះផ្តល់នូវភាពស្រស់ស្អាតគ្រប់នាទី។

អ្នកមិនចាំបាច់មានចិញ្ចើមស្តើង ឬ ចិញ្ចើមដែលកើតទុក្ខតទៅទៀតទេ។ ចិញ្ចើមរបស់អ្នកនឹងមិនប្រតេកប្រតាកទៀតហើយ​។ វាហួសសម័យការដករោមចិញ្ចើមច្រើនហួសហេតុដូចយុគជំនាន់ទស្សវត្សទី ៧០ ឬមួយមានរោមស្តើងដោយសារការប្រើប្រាស់ថ្នាំ ឬ ដោយសារអ័រម៉ូនក្រពេញទីរ៉ូអ៊ីតគ្មានតុល្យភាព។

អ្នកប្រហែលកំពុងតែប្រឈមជាមួយបញ្ហាស្រក់ជ្រុះដោយការចាក់ថ្នាំគីមីបំបាត់ ឬ ស្រក់ជ្រុះជាកញ្ចុំៗ។ អ្នកប្រហែលពាក់វ៉ែនតា ហើយមិនអាចទ្រាំបានជាមួយការដែលមានចិញ្ចើមទាំងសងខាងមិនស្មើគ្នា ពិតណាស់នេះជាជម្រើសព្យាបាលដ៏ត្រឹមត្រូវបំផុតសម្រាប់អ្នក។

ដំណើរកាលនៃការសាក់

វាមាន ៣ ដំណាក់កាលក្នុងការសាក់ចិញ្ចើម នៅក្នុងអំឡុងពេលពិភាគ្សា យើងពិគ្រោះអំពី៖

1. តើអ្នកចង់បានរូបរាងចិញ្ចើមរបស់អ្នកបែបណា
2. កំរាស់ចិញ្ចើម និង ពណ៌
3. អ្វីដែលសាកសមហើយធ្វើទៅបាន

តារាងតម្លៃដែលផ្តល់ជូនគឺបានរួមបញ្ចូលគ្រប់ដំណាក់កាលទាំងអស់។

អ្នកអាចមើលពត៌មានតម្លៃនៅខាងក្រោម ឬនៅលើទំព័រតារាងតម្លៃរបស់យើងក៏បាន។

នៅក្នុងអំឡុងពេលពិគ្រោះយោបល់ យើងនឹងជជែកអំពីរាល់ការរំពឹងទុក ការវាស់ប្រវែង ជម្រើសពណ៌ និងគូសគ្រោងចិញ្ចើម ដែលវាអាចលុបចេញវិញបាន ការគូសនេះដើម្បីអោយឃើញរូបរាងចិញ្ចើមចេញមកទម្រង់បែបណា។ ក្រោយពីពិគ្រោះយោបល់រួចរាល់ហើយ អ្នកនឹងត្រូវលាបថ្នាំស្ពឹកទុកចោលប្រហែល ៣០នាទី ទៅ ១ម៉ោង បន្ទាប់មកវេជ្ជបណ្ឌិតជំនាញសាក់នឹងធ្វើការសាក់ពណ៌ដោយម្ចុលប្រើប្រាស់ក្នុងវេជ្ជសាស្រ្តទៅលើចិញ្ចើម។

អ្នកអាចនឹងមានអារម្មណ៍ថាឈឺ វេជ្ជបណ្ឌិតនឹងសួរជារឿយៗក្នុងអំឡុងពេលធ្វើ ប្រសិនជានៅក្នុងដំណាក់កាលណាមួយអ្នកឈឺនៅត្រង់កន្លែងណា នោះនឹងត្រូវបន្ថែមថ្នាំស្ពឹកត្រង់កន្លែងនោះ។

ជាទូទៅគ្រប់ដំណាក់កាលអាចប្រើប្រាស់ពេលប្រហែលយ៉ាងយូរ ២ ម៉ោង ប៉ុន្តែវាអាចចំំណាយពេលច្រើនជាងនេះអាស្រ័យទៅលើតម្រូវការផ្សេងគ្នារបស់បុគ្គលម្នាក់។ ក្រោយពីធ្វើការសាក់រួចរាល់ នៅត្រង់ចិញ្ចើមនឹងមានអារម្មណ៍ឈឺតិចៗ។ សូមបញ្ជាក់ផងដែរ ម្ចុលប្រើប្រាស់ក្នុងការសាក់គឺជាម្ចុលដែលប្រើប្រាស់បានតែម្តង រួចតែងតែចោលក្រោយពីបានប្រើប្រាស់រួច។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ការត្រឡប់មកម្តងទៀត

ការណាត់ជួបលើកទី២ នឹងត្រូវធ្វើឡើងក្រោយរយៈពេល ៤-៦សប្តាហ៍បន្ទាប់។ ជាទូទៅការណាត់ជួបនេះគឺដើម្បីសាក់បន្ថែមពណ៌ចិញ្ចើម ហើយអាចប្រើប្រាស់ពេលមិនយូរនោះទេ ប្រហែលជាត្រូវបន្ថែមពណ៌អោយក្រាស់ជាងមុនបន្តិច ពីព្រោះនៅពេលដែលតំបន់សាក់ចាប់ផ្តើមជាសះ ចំណុចខ្លះអាចពណ៌ដិតមិនស្មើគ្នា។ ជារឿងធម្មតា គ្រប់គ្នាជាសះស្បើយក្នុងរូបភាពខុសគ្នាៗ  ហើយពួកគេនឹងទទួលបានការកែតម្រូវអោយស្រស់ស្អាតតាមរយះការណាត់បន្ថែមពណ៌នេះ។

រឹមត្របកភ្នែក (Eyeliner) ជាភ្នែកសំខាន់នៃភ្នែកក្នុងការធ្វើអោយមើលទៅលេចធ្លោរ  ដោយបន្ថែមទម្រង់ភ្នែក បន្ថែមពណ៌ និង ទំហំភ្នែករបស់អ្នកអោយកាន់តែទាក់ទាញ់មួយកំរិតទៀត។ នៅក្នុងនាមជាអ្នកជំនាញផ្នែកសាក់ និងមានគុណភាពច្បាស់លាស់ យើងអាចសាក់លើរឹមត្របកភ្នែកតាមតម្រូវការ ភាពក្រាស់ និងស្តាយល៍របស់អ្នកបាន  ការពារសំណើម មិនប្រតេកប្រតាក និងស្ថិតនៅជាប់បានយូរ។

ប្រសិនបើអ្នកត្រូវការឲ្យមានរោមភ្នែកក្រាស់និងកាន់តែច្បាស់ ឬនៅស្ទាក់ស្ទើរនិងមានកង្វល់ដែលនឹងសំរេចចិត្តធ្វើការសាក់រឹមត្របកភ្នែកអ្នកអាចពិចារណាការសាក់ Lash Enhancement ដែលជាជំរើសមួយផ្សេងទៀតដែលជួយបន្ថែមភាពលេចធ្លោរបែបធម្មជាតិ។

ពណ៌សាក់ត្រូវបានសាក់ចូលប្រកបដោយយុទ្ធសាស្រ្តជាចំណុចតូចៗនៅចន្លោះគល់រោមភ្នែកដើម្បីឲ្យរោមភ្នែកមើលទៅក្រាស់និងដិតខ្លាំងបរិវេណគល់រោមដោយឲ្យមើលទៅឃើញជាសរសៃរឹមត្របកភ្នែកពេញលេញ។

ការសាក់រឹមត្របកភ្នែកបែបតូចស្តើង ឬ ការសាក់បែបដិតច្បាស​ (Fine Eyeliner or Lash Enhancement)

ការសាក់ត្របកភ្នែកបែបតូចស្តើង គឺការសាក់នៅតាមរឹមបន្ទាត់រោមភ្នែក ហើយវាអាចសាក់ហួសបន្ទាត់រោមរឹមត្របកភ្នែកបន្តិចដើម្បីអោយឃើញបន្ទាត់ច្បាស់ អាចនឹងមានកន្ទុយភ្នែកបន្តិច ឬក៏បែបបន្ទាត់ត្រង់។ ពណ៌ដែលទទួលបានការពេញនិយមជាងគេគឺ ពណ៌ត្នោតក្រម៉ៅ។ អាយឡៃន័រនៅលើរឹមត្របកភ្នែកលើជាទូទៅដិតក្រាស់ជាងនៅលើរឹមត្របកភ្នែកក្រោម។

អាយឡៃន័រ បែបក្រាស់ គឺត្រូវបានគូសអោយហួសរោមភ្នែកបន្តិច ដើម្បីធ្វើអោយលេចធ្លោរ និងមានកន្ទុយភ្នែកដែលទាក់ទាញជាងមុន។ នៅត្រង់រឹមត្របកភ្នែកខាងលើ ជាទូទៅនឹងគូសរាងក្រាសបន្តិចនៅត្រង់កន្ទុយភ្នែករួចចាប់ផ្តើមគូសរាងស្តើងជាងមុនបន្តិចម្តងៗ ចូលមកកាន់គល់ភ្នែក។ ការសាក់បែបជាប់រយះពេលវែង គឺមិនចាំបាច់ថែទាំអ្វីច្រើនទេ តែមិនមែនមិនថែទាំសោះនោះដែរ។ វាជាប់បានយូរតែមិនជាប់ជារៀងរហូតនោះទេ ហើយយើងសូមណែនាំមកបន្ថែមពណ៌ជារៀងរាល់ ១-២ ឆ្នាំម្តង។

អត្ថប្រយោជន៌នៃការសាក់រឹមត្របកភ្នែកបែបរយៈពេលវែង (The Benefits of Permanent Eyeliner)

ការសាក់រឹមត្របកភ្នែកបែបជាប់រយះពេលវែង គឺជាដំណោះស្រាយដែលល្អដើម្បីអោយអ្នកទទួលបានរូបឆោមដែលអ្នកស្រឡាញ់ជាប់ពេញមួយថ្ងៃរហូតដល់យប់ ហើយអ្នកអាចក្រោកពីគេងមកដោយភាពស្រស់ស្អាតតែម្តង។ ការសាក់រឹមត្របកភ្នែកបែបជាប់រយះពេលវែង មិនត្រឹមតែធ្វើអោយចំណេញពេលវេលា ១០នាទីជារៀងរាល់ថ្ងៃនោះទេ ប៉ុន្តែអ្នកនឹងស្រឡាញ់ជាមួយរូបឆោមបែបថ្មីដែលជួយបង្កើតភាពទាក់ទាញត្រង់ភ្នែកអោយមើលទៅមានភាពក្មេងជាងវ័យ ដែលអ្នកបានទន្ទឹងរង់ចាំ។ ការសាក់រឹមត្របកភ្នែកបែបជាប់រយះពេលវែង គឺមិនងាយរលុប មិនប្រតេកប្រតាក និង មិនរលុបបើទោះជាយំយ៉ាងណាក៏ដោយ។

ដំណើរការសាក់ (The Procedure)

នៅក្នុងអំឡុងពេលប្រឹក្សាយោបល់ យើងនឹងជជែកអំពី រូបរាងការសាក់រឹមត្របកភ្នែកបែបណាដែលអ្នកចូលចិត្ត កម្រាស់បែបណា  ពណ៌បែបណា  និងការចូលចិត្តរបស់អ្នកត្រង់កន្ទុយភ្នែកថាតើចង់បានបែបស្តើងលើកឡើងលើបន្តិច ឬ បែបស្តើងត្រង់។

យើងមានជម្រើសពណ៌ជាច្រើនដើម្បីអោយជ្រើសរើស ចាប់តាំងពីជំរើសពណ៌ដិតបែបទាក់ទាញ ឬពណ៌បែបស្រទន់មើលទៅធម្មជាតិ។ យើងអាចថែមទាំងបន្ថែមពណ៌អោយដិតក្រាស់នៅត្រង់ផ្នែកខាងលើ និងរាងស្តើងនៅត្រង់ផ្នែកខាងក្រោមបានផងដែរ។ តាមតារាងតម្លៃដែលបង្ហាញមានរួមបញ្ចូលចំណាយគ្រប់ដំណាក់កាលរួចរាល់ហើយ។

អ្នកអាចមើលពត៌មានអំពីតារាងតម្លៃនៅខាងក្រោម ឬ នៅលើទំព័រតម្លៃរបស់យើងបាន។

បន្ទាប់ពីពិភាគ្សាយោបល់ជំហានដំបូងរួចរាល់ ជំហានបន្ទាប់គឺការប្រើប្រាស់ថ្នាំសណ្តំ និងប្រើម្ចុលសាក់ស្តង់ដាបែបវេជ្ជសាស្រ្តក្នុងការសាក់ពណ៌ល្អិតៗចូលទៅត្រង់រោមរឹមត្របកភ្នែក​នោះ។ អ្នកនឹងមិនមានអារម្មណ៌ឈឺនៅពេលកំពុងសាក់នោះទេ ទោះជាយ៉ាងណាវេជ្ជបណ្ឌិតរបស់យើងនឹងចាំសួរអ្នកគ្រប់ដំណាក់កាល  ប្រសិនជាអ្នកមានអារម្មណ៌ថាឈឺត្រង់ចំណុចណានោះ នឹងចាំបាច់ត្រូវបន្ថែមថ្នាំស្ពឹក។

ការសាក់នេះចំណាយពេលប្រមាណ ៣០នាទី។ ជាទូទៅគ្រប់ដំណាក់កាលអាចប្រើប្រាស់ពេលប្រហែលយ៉ាងយូរ ២ ម៉ោង ប៉ុន្តែវាអាចចំំណាយពេលច្រើនជាងនេះអាស្រ័យទៅលើតម្រូវការផ្សេងគ្នារបស់បុគ្គលម្នាក់។ ក្រោយពីធ្វើការសាក់រួច  ភ្នែករបស់អ្នកនឹងហើមបន្តិចដូចក្រោយពីយំហើយ និងងាយប្រតិកម្មមួយរយះពេលខ្លី​។

ការសាក់ពណ៌បបូរមាត់ ជួយកាត់បន្ថយការលាបរឹមបបូរមាត់ ឬគ្រែមលាបមាត់ម្តងហើយម្តងទៀតពេញមួយថ្ងៃ។ ការសាក់ពណ៌បបូរមាត់ គឺជាជម្រើសល្អបំផុតក្នុងការផ្លាស់ប្តូរ និងបន្ថែមភាពស្រស់ស្អាតលើបបូរមាត់ដែលស្តើង ឬ បបូរមាត់មិនសមាមាត្រគ្នា រួមទាំងបបូរមាត់ដែលខូចទម្រង់ និងភាពប្រែប្រួលតាមវ័យ ដោយជួយស្តាររូបរាងទម្រង់មាត់អោយស្រស់ស្អាតឡើងវិញ។ ការសាក់ពណ៌បបូរមាត់ជាជម្រើសដ៏ល្អ  ប្រសិនជាអ្នកបាត់បង់ពណ៌បបូរមាត់ដោយសារតែជំងឺដំបៅមាត់  ឬកត្តាវ័យ  ស្លាកស្នាម ឬ គ្រោះថ្នាក់     រួមទាំងនឹងអាចធ្វើការកែភាពមិនប្រក្រតីផ្សេងៗអោយស្រស់ស្អាតឡើងវិញបានទៀតផង។ យើងមានពណ៌អោយជ្រើសរើសយ៉ាងសម្បូរបែប មិនថាពណ៌ដែលធ្វើអោយបបូរមាត់មើលទៅដូចធម្មតាជាតិ ឬពណ៌ដែលដូចទៅនឹងពណ៌គ្រែមលាបមាត់របស់អ្នកដែលចូលចិត្តក៏មាន។ បច្ចុប្បន្នអតិថិជនមួយចំនួនមិននិយមមានគូសរឹមបបូរមាត់បែបដិតច្បាស់នោះទេ ប៉ុន្តែពួកគេចង់បានបែបទ្រង់ទ្រាយស្អាត  មើលទៅស្មើគ្នា និងមានពណ៌ភ្លឺរលោងបន្តិច ជៀសវាងបែបគូសរឹមបបូរមាត់ដិតច្បាស់។ សុភាពនារីមួយចំនួនទទួលបាន​អត្ថប្រយោជន៌ពីការសាក់បបូរមាត់រយះពេលវែងនេះ ដោយតាមរយះការសាក់ធ្វើអោយបបូរមាត់មើលទៅពេញខ្នាត និងផ្តល់ភាពស្រស់ស្អាតលើបបូរមាត់ដែលចាប់ផ្តើមស្រអាប់តាមវ័យសាជាថ្មីឡើងវិញ។ ប្រសិនជាអ្នកមានអាយុតិច ហើយចូលចិត្តភាពលេចធ្លោរ អ្នកអាចជ្រើសរើសពណ៌ដែលដិតច្បាស់ខ្លាំង ប៉ុន្តែអតិថិជនជាច្រើននិយមជ្រើលយកបបូរមាត់ពណ៌បែបធម្មជាតិសម្រាប់រៀងរាល់ថ្ងៃ ដោយវាអាចបន្ថែមពណ៌អោយលេចធ្លោរបានពេលណាដែលពួកគេត្រូវការ។  ការសាក់ពណ៌បបូរមាត់គឺជាការចាក់បញ្ចូលពណ៌ទៅក្រោមស្រទាប់ស្បែក ចំពោះអ្នកដែលទ្រាំឈឺសូវមិនបាន ឬ ងាយចេញឈាម នឹងមិនអាចបញ្ចូលពណ៌ជាប់បានល្អទេ។ អ្នកខ្លះនឹងត្រូវធ្វើជាច្រើនដងទម្រាំមានពណ៌ឡើងច្បាស់ល្អ ហើយទាំងនេះក៏អាស្រ័យទៅតាមសភាពបបូរមាត់របស់បុគ្គលម្នាក់ៗផងដែរ។

អត្ថប្រយោជន៍​​ The Benefits

សាក់ពណ៌បបូរមាត់ដែលជាប់ពេញមួយថ្ងៃ ដែលមិនរលុបទៅណាសោះ​  គ្មានទៀតឡើយបបូរមាត់មិនស្មើរគ្នា  យកពណ៌បបូរមត់ដែលបាត់បង់តាមអាយុត្រឡប់មកវិញ ឬពណ៌បបូរមាត់មិនសាកសមជាមួយសម្បុររបស់អ្នក  ដោយគ្រាន់តែលាបបន្ថែមគ្រែមភ្លឺរលោងបន្តិចអាចចេញទៅក្រៅបានតែម្តង​។

ដំណើរការសាក់​ ​(The Procedure)

ខាងក្រោមនេះជាដំណាក់កាលទាំង ៣ សម្រាប់ការប្រឹក្សាចំពោះការសាក់បង្កើនសម្រស់ត្រង់បបូរមាត់

1. បបូរមាត់មានទម្រង់បែបណាដែលអ្នកចង់បាន
2.  មានត្រង់ណាមិនស្មើគ្នាដែលត្រូវការបិទបាំង
3. ពណ៌ដែលសាកសម និងរូបរាងដែលនឹងសម្រចបាន

តាមតារាងតម្លៃដែលបង្ហាញមានរួមបញ្ចូលចំណាយគ្រប់ដំណាក់កាលរួចរាល់ហើយ។

មើលតារាងពត៌មានតម្លៃនៅខាងក្រោម។

បន្ទាប់ពីប្រឹក្សាយោបល់ជំហានដំបូងរួចរាល់ ជំហានបន្ទាប់គឺការប្រើប្រាស់ថ្នាំសណ្តំ និងប្រើម្ចុលសាក់ស្តង់ដាបែបវេជ្ជសាស្រ្តក្នុងការសាក់ពណ៌ល្អិតៗត្រង់បបូរមាត់​នោះ។ បន្ទាប់មកនឹងសាក់បញ្ចូលពណ៌ល្អិតៗចូលទៅកាន់បបូរមាត់ដោយប្រើប្រាស់ម៉ាស៊ីនចាក់សាក់បែបឌីជីថល។ អ្នកនឹងមិនមានអារម្មណ៌ឈឺចាប់ណាមួយឡើយ។ ការសាក់នេះប្រើរយះពេលប្រមាណ ១៥-៣០ នាទី។

ត្រង់បបូរមាត់ជាបរិវេណងាយនឹងឈឺ ដោយអ្នកខ្លះអាចនឹងមានអារម្មណ៍ឈឺជាងអ្នកមួយចំនួន ប៉ុន្តែយើងនឹងមើលថែ ហើយព្យាយាមមិនអោយអ្នកមានអារម្មណ៌ថាឈឺឡើយ។

ជាទូទៅគ្រប់ដំណាក់កាលអាចប្រើប្រាស់ពេលប្រហែលយ៉ាងយូរ ១-២ ម៉ោង ប៉ុន្តែវាអាចចំំណាយពេលច្រើនជាងនេះអាស្រ័យទៅលើតម្រូវការផ្សេងគ្នារបស់បុគ្គលម្នាក់។ ក្រោយពីធ្វើការសាក់រួចរាល់ បបូរមាត់របស់អ្នកនឹងហើមបន្តិច និងងាយប្រតិកម្មមួយរយះពេលខ្លី។ សូមបញ្ជាក់ផងដែរ ម្ចុលប្រើប្រាស់ក្នុងការសាក់តែងតែចោលក្រោយពីបានប្រើប្រាស់រួចរាល់ចំពោះអតិថិជនម្នាក់ៗ។

ការត្រឡប់មកម្តងទៀត (Retouches​)

អ្នកនឹងត្រូវណាត់ជួបម្តងទៀតក្នុងរយះពេល ៨ សប្តាហ៌បន្ទាប់ ដោយអនុញ្ញាត្តអោយពណ៌ជាប់បានល្អ ចំពោះអតិថិជនខ្លះនឹងត្រូវសាក់បន្ថែមពណ៌ម្តងទៀតនៅ ៨ សប្តាហ៌ក្រោយ ដោយមានការចំណាយបន្ថែមតាមភាពជាក់ស្តែង។

• សម្រាប់អ្នកដែលបានចាក់ពង្រីកបបូរមាត់ លទ្ធផលនឹងមិនសូវល្អដូចអ្នកដែលមិនបានចាក់ ដោយសារតែវាធ្វើអោយពណ៌មិនសូវជាប់ និងពណ៌មើលទៅស្រាស។
• ប្រសិនជាអ្នកមានជំងឺដំបៅមាត់ សូមជម្រាបគ្រូពេទ្យរបស់អ្នក ដោយអ្នកនឹងត្រូវការថ្នាំព្យាបាលដំបៅមាត់ពីឱសថស្ថាន
• ហាមការជក់បារី ដោយសារវានឹងធ្វើអោយអ្នកងាយហូរឈាម និងមិនជាប់ពណ៌
• សម្រាប់អ្នកដែលត្រូវការសាក់ពណ៌ ដែលកំពុងតែទទួលទានថ្នាំសម្រួសសរសៃឈាម សូមជម្រាបទៅកាន់គ្រូពេទ្យរបស់យើងអំពីរឿងនេះ
• ប្រសិនជាអ្នកទទួលទាន ខ្លាញ់ត្រី សូមធ្វើការផ្អាកមុនរយះពេល ២ សប្តាហ៍ ដោយសារវានឹងធ្វើអោយងាយហូរឈាម