បច្ចុប្បន្ននេះបុគ្គល​ម្នាក់ៗស្វែង​រក​ការ​ព្យាបាល​ដែល​ធ្វើឲ្យសោភ័ណភាពនៅបានយូរអង្វែងជា​ជាង​ការ​ផ្លាស់​ប្តូរ។
វិធីសាស្ត្រ Endoscopic Multimodality ផ្តល់អត្ថប្រយោជន៍ជាច្រើន៖

• ការវះកាត់ដែលមានស្នាមរបួសតូច៖ ស្នាមវះកាត់តូចមានន័យថាមិនសូវមានស្នាម និងឆាប់ជាសះស្បើយ។
• លទ្ធផលតាមធម្មជាតិ៖ ជាជាងការទាញស្បែកឱ្យតឹង នីតិវិធីរៀបចំឡើងវិញនូវរចនាសម្ព័ន្ធផ្ទៃមុខកាន់តែសុីជំរៅ ដើម្បីទទួលបានរូបរាងស្រស់ស្រាយ ពិតប្រាកដ។
• ការដោះស្រាយបញ្ហាគ្រប់ជ្រុងជ្រោយ៖ វាអាចដោះស្រាយមិនត្រឹមតែបញ្ហាការយារធ្លាក់ប៉ុណ្ណោះទេ ប៉ុន្តែការបាត់បង់ទំរង់ផ្ទៃមុខ និងសញ្ញានៃភាពនឿយហត់អស់កម្លាំង។
• អាចផ្លាស់ប្តូរតាមតំរូវការបាន៖ បច្ចេកទេសអាចត្រូវបានកែសម្រួលឱ្យសមស្របទៅនឹងភាពចាស់នៃផ្នែកកណ្តាលមុខ ចិញ្ចើមធ្លាក់ សភាពស្បែកដែលយារធ្លាក់បរិវេណថ្ពាល់​ថ្គាម និងអាការៈជាច្រើនទៀត។

វិធីសាស្រ្តប្រកបដោយភាពច្នៃប្រឌិតនេះច្រើនតែរួមបញ្ចូលការបញ្ចូលគ្នានៃបច្ចេកទេសដូចខាងក្រោម៖

1. ការវះកាត់ដោយកាមេរ៉ាផ្នែកកណ្តាលនៃមុខ (Endoscopic Mid-Face Lift)
   • ធ្វើឱ្យថ្ពាល់ ផ្នែកក្រោមភ្នែក និងស្នាមរង្វះចង្អូរមាត់ មានភាពស្រស់ថ្លាឡើងវិញ ដោយដាក់ស្រទាប់ខ្លាញ់ និងរឹតបន្តឹងជាលិកាក្រោមភ្នែក ស្ដារឡើងវិញនូវវ័យក្មេងជាមួយនឹងស្នាមវះកាត់តួច។
2. ការលើកចិញ្ចើម​ (Brow Elevation​)
   • លើកចិញ្ចើមថ្នមៗ ដើម្បីឱ្យមើលទៅបើកចំហរ ប្រុងប្រយ័ត្ន ខណៈពេលដែលធ្វើឱ្យស្នាមថ្ងាសរលោង។ ធ្វើការវះកាត់ដោយកាមេរ៉ាដែលមានស្នាមរបួសតូចៗដូចសសៃសក់។
3. ការផ្សាមខ្លាញ់​ (Fat Grafting)
   • ស្តារបរិមាត្រផ្ទៃមុខដែលបាត់បង់ដោយប្រើខ្លាញ់ផ្ទាល់ខ្លួនរបស់អ្នកជំងឺ—ដែលប្រមូលបានពីពោះ ឬភ្លៅ—ដើម្បីបង្រួមថ្ពាល់ សៀតផ្កា ឬស្នាមរូងក្រោមភ្នែក។
4. ការបន្តឹងស្បែកកដោយស្នាមរបួសតូច (Limited Incision Neck Lift)
   •  ធ្វើឲ្យស្នាមថ្គាមលើមុខឃើញកាន់តែច្បាស់ និងធ្វើឱ្យករលោងដោយការរឹតបន្តឹងរចនាសម្ព័ន្ធកាន់តែជ្រៅ ជាញឹកញាប់ដោយមិនតម្រូវឱ្យមានការបន្តឹងស្បែកបែបបុរាណទាំងស្រុងនោះទេ។
5. ការបកស្បែកឬការបកស្បែកដោយសារធាតុគីមី​ (Skin Resurfacing or Chemical Peels)
   • ធ្វើអោយប្រសើរឡើងនូវពណ៌ស្បែក សភាពស្បែក និងភាពច្បាស់លាស់ បំពេញបន្ថែមការកែលម្អរចនាសម្ព័ន្ធដោយបង្កើតនូវពន្លឺភ្លឺថ្លាពីខាងក្រៅ។

ការ​ព្យាបាល​នេះ​គឺ​សមស្របសម្រាប់​បុគ្គល​ដែល​មាន​បញ្ហាសភាពស្បែកមុខ​​កម្រិតដំបូងនិង​មធ្យម​ដែល​មាន​៖

• ចង់ឲ្យមានភាពប្រសើរឡើងតាមបែបធម្មជាតិ
• អ្នកដែលត្រូវការការវះកាត់ដែលមានស្នាមរបួសតូច
• ចង់ឲ្យស្បែកយឺតនិងបត់បែនបាន
• ជាសះស្បើយលឿនជាងមុនជាមួយនឹងពេលវេលាសង្កេតអាការៈខ្លី
• ចង់រក្សាការបង្ហាញអារម្មណ៍ និងការប្រែប្រួលទឹកមុខតាមបែបធម្មជាតិ

វាជាការទាក់ទាញជាពិសេសចំពោះអ្នកដែលមានអាយុពី 30 ទៅ 60 ឆ្នាំ ដែលត្រូវការរក្សាសភាពមុខឲ្យនៅក្មេងព្រមទាំងទប់ទល់នឹងភាពចំណាស់តាមអាយុដោយមិនចាំបាច់ទទូលការវះកាត់បន្តឹងស្បែកមុខទាំងស្រង់។

• ពេលវេលានៃនីតិវិធី៖ ប្រែប្រួលអាស្រ័យលើការរួមបញ្ចូលគ្នានៃបច្ចេកទេសដែលបានប្រើ ប៉ុន្តែជាធម្មតាមានរយៈពេលចាប់ពី ២ ទៅ ៤ ម៉ោង។
• ការប្រើថ្នាំសន្លប់៖ ជាធម្មតាត្រូវបានអនុវត្តក្រោមការប្រើថ្នាំសន្លប់ទូទៅ ឬ ថ្នាំសណ្តំ ។
• ការជាសះស្បើយ៖ អ្នកជំងឺភាគច្រើនត្រឡប់ទៅប្រើប្រាស់សកម្មភាពធម្មតាវិញក្នុងរយៈពេលពី ១០ ទៅ ១៤ ថ្ងៃ។ ស្នាមជាំ និងហើមគឺជារឿងធម្មតា។
• លទ្ធផល៖ ចាប់ផ្តើមឃើញបន្ទាប់ពីការហើមថយចុះ ជាមួយនឹងភាពប្រសើរឡើងជាបន្តបន្ទាប់ក្នុងរយៈពេលជាច្រើនខែ។ លទ្ធផលអាចមានរយៈពេលពី ​​​៥-១០ ឆ្នាំ ឬយូរជាងនេះ អាស្រ័យលើភាពចាស់ និងរបៀបរស់នៅរបស់បុគ្គលម្នាក់ៗ។

ការវះកាត់ស្តារមុខឡើងវិញដោយប្រើកាមេរ៉ាកំពុងផ្លាស់ប្តូរទស្សនៈថ្មីនៃភាពស្រស់ស្អាតក្នុងវ័យចំណាស់វិធីនេះរួមបញ្ចូលទាំងវិទ្យាសាស្រ្តនិងសិល្បៈដើម្បីបង្កើនសំរស់តាមបែបធម្មជាតិរបស់អ្នក-ដែលមិនធ្វើឲ្យបាត់បង់នូវភាពជាម្ចាស់ការរបស់អ្នកនោះទេ។

មិនថាតែអ្នកចាប់ផ្តើមសង្កេតឃើញការប្រែប្រួលនៃផ្ទៃមុខរបស់អ្នក ឬត្រឹមតែត្រូវការរក្សាភាពវ័យក្មេងព្រមទាំងមើលទៅស្រស់ស្រាយប៉ុណ្ណោះទេ ប៉ុន្តែបច្ចេកទេសទាន់សម័យនេះគឺជាវិធីដែលឆ្លាតនិងលម្អិតក្នុងការប្រឈមមុខនឹងភាពវ័យចំណាស់មុនអាយុរបស់អ្នក។

ប្រសិនបើអ្នកកំពុងស្វែងរកវិធីកែបញ្ហាភាពថយចុះនៃសម្រស់ផ្ទៃមុខដែលមានលក្ខណៈលម្អិតនិងមានស្នាមរបួសតូចអ្នកគួរពិគ្រោះយោបល់ជាមួយវេជ្ជបណ្ឌិតផ្នែកកែសម្ផស្សផ្ទៃមុខដែលមានជំនាញឯកទេសក្នុងការស្តារមុខដោយប្រើកាមេរ៉ា។​វេជ្ជបណ្ឌិតនឹងជួយអ្នកក្នុងការរចនានូវផែនការព្យាបាលផ្ទាល់ខ្លួនក្នុងការពង្រឹងនូវសំរស់របស់អ្នកតាមធម្មជាតិនិងស្តារនូវទំនុកចិត្តឡើងវិញ។