វិធីសាស្ត្រក្នុងការកំចាត់ខ្លាញ់ និងបន្តឹងក្បាលពោះយារធ្លាក់

បច្ចេកវិទ្យាប្រើក្នុងការព្យាបាល

បច្ចុប្បន្នមានបច្ចេកវិទ្យាប្រើក្នុងការបូមខ្លាញ់មានភាពល្អប្រសើរជាងសម័យមុនដោយមិនធ្វើអោយជាំខ្លាំង កាត់បន្ថយពេលវេលាសម្រាកព្យាបាល បច្ចេកវិទ្យាដែលលើកឡើងនេះគឺ VASER       ដែលជាបច្ចេកវិទ្យាក្នុងការកំចាត់ខ្លាញ់យ៉ាងមានសុវត្ថិភាពខ្ពស់ បូមខ្លាញ់ត្រង់ចំណុច ធ្វើអោយរូបរាងស្រស់ស្អាតជាងមុន  ដោយការបញ្ចេញថាមពលអ៊ុលត្រាសោន(Ultrasound) នៅកម្រិតហ្វ្រេកង់ដែលទៅបំផ្លាញកោសិកាខ្លាញ់ដែលមាននៅក្នុងស្រទាប់ខ្លាញ់តែប៉ុណ្ណោះ ធ្វើអោយដុំខ្លាញ់មានសភាពរាវ ហើយវេជ្ជបណ្ឌិតអាចបូមចេញមកដោយងាយ មិនប៉ះពាល់និងរងការខូចខាតដល់ស្រទាប់ស្បែក សរសៃឈាម និងកោសិកាប្រសាទនៅបរិវេណនោះឡើយ  ជួយកាត់បន្ថយស្នាមជាំ និងហើមក្រោយការបូម  ជាសះស្បើយឆាប់រហ័ស ឃើញលទ្ធផលលឿនច្បាល់ក្នុងរយៈពេល ១-២ ថ្ងៃបន្ទាប់   បច្ចេកវិទ្យា VASER បានឆ្លងកាត់ការទទួលស្គាល់ពីអង្គការចំណីអាហារ និងថ្នាំពេទ្យរបស់សហរដ្ឋអាមេរិក (US FDA) និង ប្រទេសថៃ (อย.) ចំពោះប្រសិទ្ធភាពនិងសុវត្ថិភាព។

ការត្រៀមខ្លួនមុនពេលបូម-កាត់ខ្លាញ់ក្បាលពោះ

• • ជៀសវាងការប្រើថ្នាំណាដែលប៉ះពាល់ដល់ការកកឈាម ដូចជាអាស្ពីរីន ថ្នាំសម្រួលសាច់ដុំ និងវីតាមីនផ្សេងៗ
  • បញ្ឈប់ការជក់បារីយ៉ាងហោចណាស់ ១-២ សប្តាហ៍មុនពេលវះកាត់
  • ហាមទទួលទានចំណីអាហារ ឬផឹកទឹកយ៉ាងហោចណាស់ ៦ ម៉ោងមុនពេលវះកាត់ព្រោះត្រូវការប្រើប្រាស់ថ្នាំសន្លប់
  • ជូនដំណឹងទៅវេជ្ជបណ្ឌិតអំពីប្រវត្តិជំងឺរបស់អ្នក ដូចជាជំងឺរ៉ាំរ៉ៃ ឬប្រវត្តិអាលែកហ្ស៊ីថ្នាំ ជាដើម
  • ការបូមខ្លាញ់ចំពោះស្រ្តីគួរជៀសវាងអំឡុងពេលមានរដូវ

ដំណាក់កាលបូមខ្លាញ់

• • វេជ្ជបណ្ឌិតនឹងវាយតម្លៃ រៀបចំផែនការវះកាត់ឱ្យបានត្រឹមត្រូវត្រង់ចំណុចនីមួយៗ
  • វេជ្ជបណ្ឌិត​ធ្វើ​ការ​វះ​កាត់បើកមុខរបួសយ៉ាងតូចដើម្បីស៊ក​​បញ្ចូល​ឧបករណ៍​មានរាងតូចមួយ​​ចូល​ទៅ​ត្រង់ចំណុចដែលត្រូវបូម
  • វេជ្ជបណ្ឌិត​ធ្វើការបញ្ចូលទឹកសឺរ៉ូមប្រៃបែប​ពិសេស​ទៅក្នុង​ស្រទាប់​ខ្លាញ់​ដែល​ត្រូវការ​បំបែក បន្ទាប់មក​ប្រើ​ថាមពល​អ៊ុលត្រាសោន ចូលទៅបំបែកខ្លាញ់ដែលកកជាដុំនោះអោយក្លាយជារាវ អោយរលាយចូលគ្នាជាមួយទឹកសឺរ៉ូមប្រៃដែលបញ្ចូលទៅនោះ រួចធ្វើការបូមចេញដោយថ្នមៗដោយមិនបង្ករអោយមានការប៉ះពាល់ដល់ស្រទាប់ស្បែក ប្រព័ន្ធសរសៃប្រសាទនៅជុំវិញ និងមានស្នាមជាំតិចតួចប៉ុណ្ណោះ

ដំណាក់កាលនៃការវះកាត់ខ្លាញ់ក្បាលពោះ

មុនការវះកាត់វេជ្ជបណ្ឌិតនឹងវាយតម្លៃសភាពស្បែក បរិមាណខ្លាញ់ និងភាពរឹងមាំនៃសាច់ដុំពោះរបស់អ្នកជំងឺថាមានភាពយារធ្លាក់មកតិចច្រើនប៉ុណ្ណា បន្ទាប់មកកំណត់ទីតាំងស្នាមវះកាត់ដែលនឹងមានតំណែងនៅលើថ្ងាស់អវយវៈភេទ បរិវេណប៊ីគីនី ហើយធ្វើការវះកាត់។ ប្រសិនជាការវះកាត់បែបមិនផ្លាស់ប្តូរទីតាំងផ្ចិត វេជ្ជបណ្ឌិតនឹងបើកមុខរបួសវះកាត់ដោយញែកភ្នាសរវាងសាច់ដុំនិងខ្លាញ់រហូតដល់ក្រោមផ្ចិត ទាញស្រទាប់ស្បែកនិងខ្លាញ់ហើយធ្វើការវះកាត់ផ្នែកមិនត្រូវការចេញ រួចធ្វើការដេរមុខរបួស។

សម្រាប់ការវះកាត់បែបផ្លាស់ប្តូរទីតាំងផ្ចិត វេជ្ជបណ្ឌិតនឹងបើកមុខវះកាត់តាមស្រទាប់ស្បែក ស្រទាប់ខ្លាញ់ រហូតដល់ស្រទាប់សាច់ដុំ ញ៉ែកភ្នាសនៅរវាងស្រទាប់សាច់ដុំនិងខ្លាញ់រហូតទៅដល់ខាងក្រោមដើមទ្រូង ធ្វើការដេរជួសជុលស្រទាប់សាច់ដុំពោះទាំងអស់ ទាញស្រទាប់ស្បែកនិងខ្លាញ់ត្រង់ក្បាលពោះផ្នែកខាងលើចុះមកបិតភ្ជាប់ក្បាលពោះផ្នែកខាងក្រោមបរិវេណថ្ងាស់អវយវៈភេទ   កាត់យកខ្លាញ់ដែលមិនចាំបាច់ចេញ ដេរនិងរចនាមុខរបួសនៅក្នុងស្រទាប់ខ្លាញ់ បន្ទាប់មកធ្វើការផ្លាស់ប្តូរទីតាំងផ្ចិតដោយការចោះរន្ធផ្ចិតថ្មីដោយដេររចនាអោយមើលទៅស្អាត ជាចុងក្រោយកាត់និងដេរស្បែកដែលយារ រួចទើបដេរបិទមុខរបួស។

ការថែទាំក្រោយការបូម-កាត់ខ្លាញ់ក្បាលពោះ

​​       ក្រោយការវះកាត់សប្តាហ៍ដំបូងហាមមិនអោយត្រូវទឹក អោយជូតខ្លួនជំនួសការងូតទឹក សម្រាប់ការដើរក្រោយវះកាត់ ១-២ សប្តាហ៌ដំបូងគួរដើរឱនខ្លួនបន្តិចដើម្បីមិនអោយមុខរបួសតឹង បន្ទាប់មកអោយព្យាយាមយឺតដងខ្លួនអោយត្រង់តាមដែលអាចធ្វើទៅបាន  អ្នកជំងឺគួរតែព្យាយាមយឺតខ្លួនបើសិនជាមុខរបួសមិនសូវតឹងដើម្បីកុំអោយឈឺខ្នងចង្កេះ។ 

       ​​នៅអំឡុងពេល ៣ សប្តាហ៌ដំបូងមិនគួរដើរច្រើន មិនគួរលើករបស់ធ្ងន់  មិនគួរធ្វើលំហាត់ប្រាណ ហាមជក់បារីអំឡុងពេល ២ សប្តាហ៌ដំបូងក្រោយវះកាត់ ព្រោះអាចធ្វើអោយងាយកកឈាមបាន មិនគួរពិសារគ្រឿងស្រវឹង អ្នកជំងឺអាចទទួលទានអាហារតាមប្រក្រតី   វេជ្ជបណ្ឌិតនឹងណែនាំអោយពាក់ហ្គេនរឹតក្បាលពោះជាប្រចាំរយះពេល ៦-៧ សប្តាហ៌  ហើយអ្នកជំងឺគួរតែមកជួបវេជ្ជបណ្ឌិតតាមការណាត់ដើម្បីមើលមុខរបួស និងកាត់ចេស ដូច្នេះហើយការប្រត្តិបត្តិខ្លួនក្រោយការវះកាត់យ៉ាងខ្ជាប់ខ្ជួនជារឿងសំខាន់ក្នុងការការពារមិនអោយកើតមានផលជ្រៀតជ្រែកផ្សេងៗនិងជួយអោយអ្នកជំងឺឆាប់ជាសះស្បើយ

       ក្រោយពីការបូម-វះកាត់ខ្លាញ់ រាងកាយជាសះស្បើយប្រក្រតីហើយ អ្នកជំងឺគួរតែជៀសវាងមិនអោយខ្លាញ់ទាំងនោះត្រឡប់មកវិញ ដោយការជ្រើសរើសទទួលទានអាហារដែលមានប្រយោជន៌  ជៀសវាងអាហារមានជាតិខ្លាញ់ ម្សៅ និងជាតិស្ករ  ព្រមទាំងធ្វើលំហាត់ប្រាណទៀងទាត់ ៣-៥ដងក្នុងមួយសប្តាហ៍ (ធ្វើលំហាត់ប្រាណបានតាមធម្មតាក្រោយវះកាត់ខ្លាញ់ក្បាលពោះបាន ២ ខែ) ដើម្បីកាន់តែសមរូបរាងនិងស្បែកក្បាលពោះកាន់តែតឹងរាប​ស្មើ។

ផលប៉ះពាល់ និង លទ្ធផល

• • ក្រោយការវះកាត់ខ្លាញ់ក្បាលពោះ អ្នកជំងឺនឹងមានអារម្មណ៌ឈឺត្រង់មុខរបួសជារឿងធម្មតា ដោយអាការៈនេះនឹងអន់ថយក្រោយរយះពេល ១សប្តាហ៌
  • ស្នាមមុខរបួសវះកាត់នឹងរាបស្មើឡើងវិញក្នុងរយះពេលប្រហែល ១២-១៨ ខែ
  • ក្រោយវះកាត់ខ្លាញ់ក្បាលពោះ មុខរបួសនឹងបាត់ហើមហើយជាស្បើយប្រក្រតីប្រហែល ៣-៤ ខែ
  • ក្រោយពីបូមខ្លាញ់ដោយ VASER បានប្រហែល ៣ សប្តាហ៌ នឹងចាប់ផ្តើមសង្កេតឃើញការប្រែប្រួលរូបរាង និងឃើញលទ្ធផលកាន់តែច្បាស់ថែមទៀតប្រហែលជា ៣-៦ ខែ។

ការធានារ៉ាប់រង/វះកាត់ខ្លាញ់ក្បាលពោះ

ដើម្បីអោយលោកអ្នកមានភាពកក់ក្តៅ និងសុវត្ថិភាពគ្រប់ពេលដែលធ្វើការវះកាត់ដើម្បីភាពស្រស់ស្អាតនៅមន្ទីរពេទ្យយ៉ាន់ហ៊ី យើងមានការរ៉ាប់រងក្រោយការវះកាត់ក្នុង រយះពេល ១ ឆ្នាំ។  

ក្នុងអំឡុងពេលសម្រាកនៅផ្ទះបន្ទាប់ពីការវះកាត់ បើមានសំណួរ ឬការសង្ស័យណាមួយ លោកអ្នកអាចទាក់ទងសួរព័ត៌មានបានជានិច្ច យើងមានក្រុមការងារជំនាញរួចជាស្រេចក្នុងការផ្តល់ការពិគ្រោះយោបល់គ្រប់ពេលតាមរយះបណ្តាញទំនាក់ទំនងដូចជា Line ឬលេខទូរស័ព្ទរបស់ផ្នែកវះកាត់សម្រស់ជាដើម។

ជម្រើសដ៏ទៃទៀត

សព្វថ្ងៃនេះ មានវិធីសាស្រ្តក្នុងការរឹតបន្តឹងស្បែក និងបំបាត់ខ្លាញ់ដោយមិនចាំបាច់ធ្វើការវះកាត់ វិធីនេះសមស្របសម្រាប់បុគ្គលដែលមានខ្លាញ់បន្តិចបន្តួចស្ថិតនៅតំបន់ខ្លះៗ និងមានស្បែកយារធ្លាក់បន្តិចបន្តួច ឬអាចប្រើប្រាស់បច្ចេកវិទ្យាទំនើបទាំងនេះ ដើម្បីជួយរឹតបន្តឹងស្បែក និងរូបរាងបន្ទាប់ពីការវះកាត់បូមឬវះកាត់ខ្លាញ់ វាជាវិធីសាស្ត្រដែលប្រើបច្ចេកវិទ្យាទំនើបទាន់សម័យ មានសុវត្ថិភាព និងបានស្គាល់តាមស្តង់ដារអន្ដរជាតិ ដូចជា៖ ការបូមខ្លាញ់ត្រង់ចំណុចដោយប្រើបច្ចេកវិទ្យា Vaser ដែលជាវិធីសាស្ត្របំបាត់ជាតិខ្លាញ់ដោយរលកអ៊ុលត្រាសោន មានសុវត្ថិភាពខ្ពស់ ហើយជួយឲ្យរូបរាងមើលទៅតឹងរាបជាងមុន ឬ ប្រើបច្ចេកវិទ្យា J-Plasma  សម្រាប់ការបូមខ្លាញ់ និងបន្តឹងស្បែកក្នុងពេលតែមួយផងដែរ។

សំណួរពេញនិយមទាក់ទងនឹង ការបូមខ្លាញ់-កាត់ខ្លាញ់ក្បាលពោះ

មុនសម្រេចចិត្តបូម/កាត់ខ្លាញ់ចាំបាច់ត្រូវពិនិត្យរាងកាយអ្វីខ្លះ?

មុនបូមខ្លាញ់ អ្នកជំងឺត្រូវទទួលបានការត្រួតពិនិត្យរាងកាយយ៉ាងល្អិតល្អន់ និងពិនិត្យភាពរឹងមាំនៃរាងកាយជាមុនសិន

នណារខ្លះអាចធ្វើការបូម/កាត់ខ្លាញ់បាន?

ចំពោះបុគ្គលណាដែលមានស្បែកមិនយារធ្លាក់ខ្លាំង និងមិនក្រាស់ខ្លាំង ឬមិនមានខ្លាញ់ដើម្បីធ្វើការបូមចេញ ព្រោះបើសិនជាបូមអាចធ្វើអោយស្បែកមានសភាពជារលក ឬមិនរាបស្មើ

ក្រោយកាត់ខ្លាញ់ចេញហើយ មានឱកាសត្រឡប់មកយារធ្លាក់ដូចដើមឬទេ?

វានឹងអាចត្រឡប់មកយារធ្លាក់បានក្រោយពីការវះកាត់ ក្នុងករណីដែលអ្នកជំងឺមានផ្ទៃពោះម្តងទៀត

តើមានទំងន់ប៉ុន្មានទើបអាចធ្វើការបូម/កាត់ខ្លាញ់បាន?

ក្នុងករណីដែលមានទំងន់លើស ៩០ គ.ក វេជ្ជបណ្ឌិតណែនាំអោយសម្រកទំងន់សិនមុននឹងធ្វើការបូម/វះកាត់ខ្លាញ់ក្បាលពោះ

ក្រោយការវះកាត់ខ្លាញ់ក្បាលពោះ តើមានឱកាសកើតអាការៈស្ពឹកក្បាលពោះដែរឬទេ?

ឱកាសដែលធ្វើអោយមានអាការៈស្ពឹកក្រោយការវះកាត់ក្បាលពោះ កើតឡើងបានក្នុងរយះពេល ៦ខែដំបូង បន្ទាប់អាការៈស្ពឹកនឹងបាត់បន្តិចម្តងៗ