បេះដូងបូមឈាមតាមរយៈជាលិកានៃរាងកាយដើម្បីបញ្ចេញអុកស៊ីហ្សែននិងប្រមូលផ្តុំឧស្ម័នកានូនិច។ផ្ទុយទៅវិញវាផលិតនូវរលកសម្ពាធខ្ពស់ដែលរុញឈាមតាមរយៈសរសៃអាកទែ(arteries)ហើយបន្តចូលទៅក្នុងសរសៃឈាមតូចៗដែលជាមេឃធាងដទៃទៀតដែលហៅថាអាកទែតូច​​(arterioles) ហើយចុងក្រោយបង្អស់វាចូលទៅដល់បំពង់ឈាមឆ្មារៗគ្រប់ទីកន្លែងទាំងអស់ក្នុងរាងកាយ។

ឈាមនឹងហូរចេញពីសរសៃឈាមឆ្មារៗនិងហូរចូលទៅបណ្តាញបំពង់ឈាមខ្មៅដោយសរសៃវ៉ែននឹងចាប់ផ្ត់ើមពីសរសៃឈាមខ្មៅទំហំតូចទៅទំហំធំបន្តិចម្តងៗនៅពេលដែលចូលទៅជិតបេះដូងព្រមទាំងបញ្ជូនឈាមត្រលប់ទៅកាន់បេះដូងវិញ។

ឈាមហូរចេញពីជើងរបស់អ្នកនឹងហូរត្រលប់ទៅកាន់បេះដូងវិញដោយកំលាំងទំនាញផែនដីជាពិសេសក្នុងខណៈដែលអ្នកឈរ។​នៅពេលដែលអ្នកឈរវានឹងមានសំពាធទៅលើសរសៃវ៉ែននៃបាតជើងនិងជើងរបស់អ្នកដែលធ្វើឲ្យវាធ្វើសកម្មភាពប្រៀបដូចជាម៉ាស៊ីនបូមទឹកនៃបេះដូង។

សន្ទះបិទបើកដែលមានតែម្ខាងកើតឡើងនៅផ្នែកខាងក្នុងជញ្ជាំំងសរសៃវ៉ែនរបស់អ្ន​កដើម្បីជួយគ្រប់គ្រងចរន្តឈាមឲ្យហូរឡើងទៅកាន់បេះដូង​​ ក្នុងអំឡុងពេលដែលសាច់ដុំរួមតូច ​សន្ទះបិទបើកនៅក្នងបំពង់ឈាមខ្មៅជ្រៅនឹងបើកចេញ ហើយនៅពេលដែលសាច់ដុំពន្លាសន្ទះបិទបើកនឹងបិទវិញភ្លាម វិធីសាស្រ្តនេះជួយការពារមិនឲ្យឈាមហូរត្រលប់ចុះទៅជើងវិញបាន។

ប្រសិនបើអ្នកកំពុងឈរ(ឬអង្គុយ)​រយៈពេលយូរសាច់ដុំជើងរបស់អ្នកគឺវាមិនរួមតូចនោះទេនៅពេលដែលមិនមានការច្របាច់រួមរបស់សាច់ដុំមកជួយច្របាច់ឈាមនៅក្នុងបំពង់ឈាមខ្មៅជ្រៅ​ឈាមគឺនៅតែមានចរន្តនិងធ្វើឲ្យសម្ពាធនៅខាងក្នុងបំពង់ឈាមខ្មៅខ្ពស់ជាងមុន​លក្ខណៈនេះគេហៅថា​សម្ពាធសរសៃឈាមខ្មៅខ្ពស់ (venous hypertension)។

សរសៃវ៉ែនជ្រៅនិងសរសៃវ៉ែនPerforatingអាចគ្រប់គ្រងក្នុងអំឡុងពេលដែលមានសម្ពាធឈាមខ្ពស់បានជាបណ្តោះអាសន្នប៉ុន្តែប្រសិនបើអ្នកជាអ្នកដែលមានហានិភ័យ សរសៃឈាមខ្មៅរបស់អ្នកអាចយឺតឬរីកធំបានប្រសិនបើអ្នកអង្គុយឬឈររយៈពេលយូរញឹកញាប់។

សម្ពាធសរសៃឈាមខ្ពស់មានតួនាទីសំខាន់ណាស់ក្នុងការកើតជំងឺផ្សេងៗ​លក្ខណៈនេះបណ្តាលឲ្យជញ្ជាំងសរសៃឈាមវ៉ែនយឺតនិងពង្រីកខ្លួន (dilatation) បាន។ការពង្រីកខ្លួនរបស់សរសៃវ៉ែនបណ្តាលឲ្យកើតមានការច្របាច់ការលិចនិងការផ្លាស់ប្តូរនៃកំលាំងផ្នែកខាងក្នុងបំពង់ឈាមដែលកត្តាទាំងអស់នេះបណ្តាលឲ្យមានការរលាក​ការរលាកនេះនឹងធ្វើឲ្យសន្ទះបិទបើកបំពង់ឈាមនិងជញ្ជាំងបំពង់ឈាមកើតមានការប្រែប្រួលដែលជាមូលហេតុនៃលក្ខណៈឈាមហូរបញ្ច្រាស់ហើយអាការៈឈាមហូរបញ្ច្រាស់​ (reflux = backflow of blood) នេះវាកាន់តែធ្វើឲ្យសម្ពាធបំពង់ឈាមកើនឡើងកាន់តែខ្ពស់។​

នៅពេលដែលសន្ទះបិទបើកសរសៃវ៉ែនជ្រៅធ្វើការខុសប្រក្រតី ឈាមនឹងហូរត្រលប់មកវិញ​(reflux) ទៅកាន់សរសៃវ៉ែនរាក់និងធ្វើឲ្យអ្នកកើតមានបញ្ហា​​ សរសៃវ៉ែនប៉ោង (varicose veins)​ បាន ប្រសិនបើសរសៃវ៉ែនរាក់មានសន្ទះបិទបើកធ្វើការមិនគ្រប់លក្ខណៈ​ អ្នកអាចប្រឈមមុខនឹងការកើតមានទាំងសរសៃវ៉ែនប៉ោង និងដាច់សរសៃឈាមឆ្មារៗ (spider veins) បានផងដែរ។

ការដាច់សរសៃឈាមឆ្មារៗមានលក្ខណៈស្រដៀងគ្នានឹងសរសៃវ៉ែនប៉ោងដែរប៉ុន្តែមានទំហំតូចជាងឆ្ងាយណាស់។

ការវាយតម្លៃមានសារៈសំខាន់ណាស់ក្នុងការកំណត់ប្រភេទក្នុងការព្យាបាលបញ្ហាជាក់លាក់របស់អ្នក។

វាតម្រូវឲ្យមានតេស្តជាច្រើនដងរួមមានការពិនិត្យរាងកាយនិងអេកូសាស្រ្ត

Doppler ultrasound​គឺជាសំភារៈបរិក្ខាវេជ្ជសាស្រ្តដែលអាចពិនិត្យមើលពីចរន្តឈាមបាន។វាមានសារៈសំខាន់ដែលជួយឲ្យវេជ្ជបណ្ឌិតទទួលបាននូវព័ត៌មានទាក់ទងនឹងទិសដៅចរន្តឈាមនៅក្នុងសរសៃវ៉ែនព្រមទាំងដឹងពីមុខងារនៃសន្ទះបិទបើកក្នុងសរសៃវ៉ែនថាតើវានៅធ្វើការបានធម្មតាដែរឬទេ។

ការធ្វើអេកូសាស្រ្ត​(duplex)សំភារៈបរិក្ខាវេជ្ជសាស្រ្តនេះជួយឲ្យវេជ្ជបណ្ឌិតពិនិត្យសរសៃវ៉ែនជ្រៅរបស់អ្នកកាន់តែច្បាស់។​​Duplex ultrasound អាចប្រើប្រាស់ដើម្បី៖

1. ធ្វើផែនទីប្រព័ន្ធសរសៃវ៉ែននៅជើង និងវាស់ទំហំបរិមាត្រនៃសរសៃវ៉ែន
2. ពិនិត្យការហូរបញ្ច្រាស់នៃចរន្តឈាមក្នុងសរសៃវ៉ែន​ជ្រៅនិងសរសៃឈាមរាក់
3. ពិនិត្យមើលការស្ទះ-តាន់ក្នុងសរសៃវ៉ែនរាក់និងជ្រៅ​ (ដូចជាស្ទះសរសៃឈាមឬកកសរសៃឈាម)

EVLA ​ត្រូវបានធ្វើឡើងក្រោមការប្រើប្រាស់ថ្នាំសណ្តំនិងប្រើប្រាស់រយៈពេលខ្លីក្នុងការសំរាកព្យាបាល​។​អ្នកជំងឺត្រូវបានណែនាំឲ្យដើរភ្លាមៗក្រោយការព្យាបាលដើម្បីជួយឲ្យចរន្តឈាមដើរបានប្រសើរឡើងវិញ។

អ្នកជំងឺអាចត្រលប់ទៅធ្វើការងារនិងសកម្មភាពផ្សេងៗក្នុងថ្ងៃជាមួយគ្នាបានខណៈពេលដែលសកម្មភាពដែលត្រូវប្រើប្រាស់កំលាំងធ្ងន់និងឈររយៈពេលយូរអាចត្រូវចៀសវាងក្នុងអំឡុងសប្តាហ៍ដំបូងក្រោយទទួលការព្យាបាល។​ជាទូទៅការឈឺចាប់នឹងអាចកើតមានបានប៉ុន្តែបញ្ហាឈឺចាប់ទាំងនេះត្រូវបានកាត់បន្ថយបានតាមរយៈការទទួលទានថ្នាំបំបាត់ការឈឺចាប់ប្រសិនបើចាំបាច់។

វាដូចគ្នានឹងដំណើរការផ្នែកវេជ្ជសាស្រ្តដ៏ទៃទៀតដែរ​ដែលអាចមានផលវិបាកផ្សេងៗកើតឡើង។​មានផលវិបាកមួយចំនួនដែលកំរនឹងកើតមានដូចជា៖

មុនពេលវេជ្ជបណ្ឌិតធ្វើការចាក់់ថ្នាំ sclerotherapy,គាត់នឹងធ្វើការពិនិត្យឲ្យបានដិតដល់ជាមុនសិន។​វាមានសារៈសំខាន់ខ្លាំងណាស់ដែលវេជ្ជបណ្ឌិតត្រូវធ្វើការបែងចែកឲ្យបានច្បាស់នូវអ្វីដែលជាសរសៃវ៉ែនឆ្មារៗ (spider veins) និងអ្វីទៅជាសរសៃវ៉ែនប៉ោង (varicose veins) ខ្នាតធំ ព្រមទាំងអ្វីទៅជាសរសៃវ៉ែបឆ្មារៗ (spider veins) និងសាច់ប្រជ្រុយក្រហម (spider angiomas)។

ដោយសារតែការចាក់ថ្នាំអាចព្យាបាលបានត្រឹមតែសរសៃវ៉ែនតូចៗនិងរាក់ៗតែប៉ុណ្ណោះ​វេជ្ជបណ្ឌិតត្រូវតែប្រាកដថាអ្នកជំងឺមិនមានជំងឺទាក់ទងនឹងសរសៃវ៉ែនធ្ងន់ធ្ងរអ្វីផ្សេងទៀតទេ។​ សាច់ប្រជ្រុយក្រហមនិងសរសៃវ៉ែនឆ្មារៗមានលក្ខណៈប្រហាក់ប្រហែលគ្នាមែនប៉ុន្តែវាកើតឡើងនៅក្នុងសរសៃឈាមក្រហម​ និងមានមូលហេតុនៃជំងឺខុសៗពីគ្នា។

ដំំណើរការព្យាបាលត្រូវបានចាប់ផ្តើមនៅពេលដែលសរសៃវ៉ែនដែលមានបញ្ហាត្រូវបានចាក់ថ្នាំ​ (sclerant solution)បញ្ចូល ។​ម្ជុលត្រូវបានសូកបញ្ចូលទៅក្នុងសរសៃវ៉ែនដែលខុសប្រក្រតីដោយមានប្រវែងជាក់លាក់មួយ ហើយក្នុងខណៈពេលតែមួយវាក៏ត្រូវបានដកចេញសន្សឹមៗក្នុងពេលដែលទឹកថ្នាំត្រូវបានបញ្ចេញផងដែរ។ ​ទឹកថ្នាំនេះនឹងរំញោចឲ្យជញ្ជាំងខាងក្នុងនៃសរសៃវ៉ែនមានការកកិតឡើង​ ធ្វើឲ្យមានការបញ្ចេញសារធាតុបង្កឲ្យកើតមានការរលាកដែលបណ្តាលឲ្យសរសៃវ៉ែនកក។

រាងកាយរបស់អ្នកមានសមត្ថភាពក្នុងការនាំឈាមដោយត្រង់ទៅកាន់សរសៃវ៉ែនធម្មតាជ្រៅ ហើយការហូររបស់ចរន្តឈាមធម្មតានឹងត្រលប់មកប្រក្រតីវិញ។

រូបរាងខាងក្រៅនឹងប្រសើរឡើងយ៉ាងខ្លាំងប៉ុន្តែទោះបីជាយ៉ាងណាក៏ដោយវាអាចមានស្នាមជាំកើតឡើងមួយរយៈដោយសារតែរាងកាយកំពុងតែទទួលរងនូវការរលាកនិងស្រូបយកសរសៃវ៉ែនឆ្មារៗដើម្បីកំចាត់ចោល។

ជំរើសថ្មីៗនេះក្នុងការចាក់ថ្នាំឲ្យសរសៃវ៉ែនតាន់គឺការចាក់សារធាតុហ្វូម។​​ ក្នុងចំណោមគុណប្រយោជន៍ជាច្រើនគឺហ្វូមមានសមត្ថភាពក្នងការប៉ះពាល់ដោយផ្ទាល់ច្រើនជាមួយជញ្ចាំងសរសៃវ៉ែន ធ្វើឲ្យការប្រើប្រាស់សារធាតុគីមីក្នុងបរិមាណតិចតួចជាង ក្រៅពីនេះការធ្វើចល័តរបស់ហ្វូមក្នុងសរសៃវ៉់េននៅអាចតាមដានបានដោយការពិនិត្យអេកូសាស្រ្តមើលផងដែរ។

ការប្រើប្រាស់សារធាតុហ្វូមគឹមានអត្រាទទួលជោគជ័យខ្ពស់ប៉ុន្តែចំណាយតិចព្រមទាំងមានផលប៉ះពាល់តិចតួចផងដែរ។

វាមានផលប៉ះពាល់តិចតួចបំផុតដែលអាចកើតមានចំពោះដំណើរការនៃការព្យាបាល៖

នៅពេលដែលសរសៃវ៉ែនត្រូវបានវះយកចេញ​សរសៃវ៉ែនមេឃធាងត្រូវបានកាត់ផ្តាច់ បណ្តាលឲ្យឈាមមានការធ្លុះឬលេចចូលទៅក្នុងជាលិកាដែលនៅជុំវិញបាន ហើយ​វាបណ្តាលឲ្យមានការឈឺចាប់និងមានស្នាមជាំដែលអ្នកជំងឺនឹងជួបប្រទះ។

ជើងរបស់អ្នកនឹងត្រូវរុំដោយបង់រុំរបួសដើម្បីការពារការហើមនិងឈាមហូររយៈពេល២-៣ថ្ងៃក្រោយការវះកាត់។​អ្នកអាចចាំបាច់ត្រូវបន្តរុំបង់រយៈពេលជាច្រើនសប្តាហ៍ទៀតសិន។​ដើម្បីការពារការកើតឡើងវិញនៃសរសៃវ៉ែនប៉ោងអ្នកត្រូវបានណែនាំឲ្យពាក់ស្រោមជើងដែលរឹបតឹង (Compression stockings) រយៈពេល២-៣សប្តាហ៍។​អ្នកនឹងតំរូវឲ្យដើរក្នុងចំងាយខ្លីៗ ដោយមិនតិចជាង១០នាទីជារៀងរាល់ថ្ងៃ។អ្នកអាចងូតទឹកធម្មតាបានក្នុងរយៈពេល២ថ្ងៃក្រោយការវះកាត់។

អ្នកអាចត្រលប់ទៅប្រើប្រាស់សកម្មភាពប្រចាំថ្ងៃរបស់អ្នកតាមធម្មតាវិញយ៉ាងតិចរយៈពេល២សប្តាហ៍ក្រោយការវះកាត់។​ប៉ុន្តែទោះបីជាយ៉ាងណាក៏ដោយសកម្មភាពឬការលើករបស់ធ្ងន់ៗត្រូវបានហាមឃាត់ដដែល។